föstudagur, júlí 27, 2007

Nýja breska símanúmerið mitt er 00 44 78 4753 3164.
Gamla númerið er ekki lengur virkt.

Þessi vefsíða er farin í sumarfrí.
Góðar stundir.

posted by Sigga @ 21:13  



Hér er stórkostleg ritgerð sem ég var að finna á netinu.

Nei, heyrðu hún er eftir sjálfa mig, aaaaaasgoti.
Undarleg tilviljun.
Jæja.

Ritgerðin er í nýjasta eintakinu af vefritinu Irrational Magazine.
Fjallar um Rúanda og Úganda og mismunandi sjónarmið um hvernig takast eigi við fortíðina á stríðssvæðum.

Too Horrendous to Remember, Too Horrendous to Forget: Reasons why “Transitional Justice” is Necessary

By Sigríður Víðis Jónsdóttir

Uppsetningin er stórslys, horfa framhjá því takk.

posted by Sigga @ 20:41  

miðvikudagur, júlí 25, 2007

Árið 2000 átti 358 ríkasta fólkið í heiminum jafn mikið í peningum talið og 2,3 milljarðar fólks.

Kreisí.

Ritari minn vinnur að því að uppfæra tölurnar.

posted by Sigga @ 10:51  

Indland hefur eignast sinn fyrsta kvenforseta.

posted by Sigga @ 10:50  

sunnudagur, júlí 22, 2007

Langþráð sól og blíða hérna meginn.

Undarlegt.

Annars staðar er verið að bjarga fólki af húsþökum og efri hæðum eftir klikkaðar rigningar á föstudag og í gær. Lestarkerfin liggja niðri. Vegir lokaðar. Milljarða skemmdir.

"Flood chaos" segir pressan.
"Total chaos".

Ég er farin út að fá mér ís í sumarkjólnum mínum.

posted by Sigga @ 11:28  

miðvikudagur, júlí 18, 2007



Ástæðan fyrir því að það er víst svona gott veður á Íslandi í sumar er sú að skýin hafa öll loðað við Bretland.

Ég efast ekki um það mat fræðafólksins eitt andartak.

Meðfylgjandi er ótvíræð sönnun þess að það er ekki eingöngu á Íslandi sem regnhlífar snúast við í vindi og eyðileggjast.

Núna er víst farið að rigna á Íslandi.

Hér í Norwich er ég búin að setja á mig sólaráburðinn.

posted by Sigga @ 20:08  

þriðjudagur, júlí 17, 2007

Á einni og hálfri klukkustund í morgun var veðrið í Norwich eftirfarandi:

Glaðasól
Alskýjað
Sól
Rigning
Sól
Hellirigning, hellt úr fötu
Sól og sterkur vindur úr öllum áttum

Ritari minn hefur lokað á allar athugasemdir um að veðrið á Íslandi sé steikt.

Nú heyrast þrumur úti.
Inni sit ég og sýri á mér magann.

Dear Tony, you will get the first draft of the entire dissertation tomorrow evening.

posted by Sigga @ 15:58  

sunnudagur, júlí 15, 2007

Hi Sigga,
This is a good start. I like the data on bombings and attacks on page 2. What you have written so far, including the outline, makes sense.

Ha ha ha HA HA HA.
Makes sense.
Ókei, ákveðin huggun að vita að Dr. Tony Pereira telur að inngangurinn minn “meiki sens”.

Meikar sens.
Er etta skens?
Á ég sjéns?

Úr íslensku grilli hélt stúlkan til Fishandchipslands til að grilla höfuðið á sér.

Hún stefnir hins vegar á að sýra magann á sér.
Með kaffi.
Og nóg af því.

posted by Sigga @ 18:22  

föstudagur, júlí 13, 2007

Ég hef oft verið í útlöndum.
Núna er ég í útlöndum.

Ég hef líka áður átt heima í útlöndum.
Núna bý ég einmitt í útlöndum.

Samt hef ég í vetur og sumar upplifað dálítið nýtt:

Að koma heim til Íslands frá útlöndum og fara síðan heim til útlanda aftur frá Íslandi. Að koma til Íslands í heimsókn.

Það hef ég aldrei gert áður.

Ég hef bara farið í burtu og verið í burtu í 2 og 3 og 4 og 5 og 6 og 8 mánuði og gvöð veit hvað. Klárað það sem ég hef ætlað að gera og síðan haldið aftur heim til Íslands.

Það er allt öðru vísi að koma til Íslands eftir margra mánaða fjarveru, þegar maður er kominn til að vera - en ef maður er í stuttu stoppi.

Síðastliðið skólaár hef ég verið sú sem "er í heimsókn", þeytist um og hitti mitt fólk, á magnaðan tíma á Íslandi, veit ekki alveg hvernig best er að haga þessum fáu dögum - og sný svo til baka til útlandaveruleika míns með flatkökur í töskunni og harðfisk í handfarangrinum.

Veturinn hefur veitt mér áður óþekkta innsýn í veruleika fjölskyldu minnar og vina sem búa í útlöndum.

posted by Sigga @ 20:50  

Um jólin kom ég heim í myrkur og átti erfitt með að rífa mig á lappir.
Til hvers að drekka morgunkaffið þegar enn voru þrír tímar í að sólin kæmi upp, ef hún þá yfirhöfuð myndi láta sjá sig?

Núna kom ég heim í íslensku sumarnæturnar og átti erfitt með að koma mér í rúmið. Til hvers að fara að sofa þegar enn var bjart og dásamlegt?

"No, the darkness during the winter and all the bright nights are not really difficult to adjust to because we Icelanders are used to all this. We have grown up with it, you know".

Ritari minn er alvarlega að íhuga hvort ég eigi að draga til baka fyrri staðhæfingar.

posted by Sigga @ 20:38  

miðvikudagur, júlí 11, 2007

Er eitthvað betra en bjartar sumarnætur?
Kannski vel heppnuð brúðkaupveisla hjá bróður manns og mágkonu.

Enda var hún haldin eina bjarta sumarnótt.

posted by Sigga @ 02:00  

mánudagur, júlí 02, 2007

Ísland, gamla Ísland, ástkær fósturjörð.
Ég er farin heim í heiðardalinn.

Sama íslenska númer og venjulega.
Sama heimilisfang og venjulega: Bessastaðir. Umm.

posted by Sigga @ 21:10